2014 jylǵy 24 qazan, Astana qalasy
MVA jáne DBA kásiptik bilim berý baǵdarlamalary sheńberindemamandardy daıarlaý mazmuny mendeńgeıine qoıylatyn eń tómengitalaptardy bekitý týraly
Qazaqstan Respýblıkasy Úkimetiniń 2012 jylǵy 23 tamyzdaǵy № 1080 qaýlysymen bekitilgen Joǵary oqý ornynan keıingi bilimniń jalpyǵa mindetti bilim berý standartynyń 1-taraýynyń 5-tarmaǵyna jáne 2-taraýynyń 6-tarmaǵyna sáıkes buıyramyn:
1. Mynalar:
1) 1-qosymshaǵa sáıkes MVA kásiptik bilim berý baǵdarlamalary sheńberinde mamandardy daıarlaý mazmuny men deńgeıine qoıylatyn eń tómengi talaptar;
2) 2-qosymshaǵa sáıkes DBA kásiptik bilim berý baǵdarlamalary sheńberinde mamandardy daıarlaý mazmuny men deńgeıine qoıylatyn eń tómengi talaptar bekitilsin.
2. Joǵary, joǵary oqý ornynan keıingi bilim jáne halyqaralyq yntymaqtastyq departamenti (J.Q. Shaımardanov):
1) osy buıryqtyń belgilengen tártippen Qazaqstan Respýblıkasy Ádilet mınıstrliginde memlekettik tirkelýin;
2) memlekettik tirkeýden ótken soń osy buıryqty buqaralyq aqparat quraldarynda jarııalaýdy;
3) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Bilim jáne ǵylym vıse-mınıstri T.O. Balyqbaevqa júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstrdiń mindetin atqarýshy T. Balyqbaev.
Qazaqstan Respýblıkasy Bilim jáne ǵylym mınıstriniń m.a.
2014 jylǵy 24 qazandaǵy №441 buıryǵyna 1-qosymsha
MVA kásiptik bilim berý baǵdarlamasy sheńberinde mamandardy daıarlaý
mazmuny men deńgeıine qoıylatyn eń tómengi talaptar
1. Jalpy ereje
1. Osy MVA kásiptik bilim berý baǵdarlamasy sheńberinde mamandardy daıarlaý mazmuny men deńgeıine qoıylatyn eń tómengi talaptar (budan ári – Talaptar) iskerlik ákimshilik magıstrlerin daıyndaýdaǵy bilim berý baǵdarlamasynyń (budan ári – MVA baǵdarlamasy) mazmuny men magıstratýra bitirýshilerin daıyndaý deńgeıiniń jalpy ádistemelerin belgileıdi.
2. Talaptar joǵary bilim berý salasyndaǵy halyqaralyq qujattarmen úılestirilgen. «ECTS qoldanýshynyń basshylyǵy» (ECTS Users, Guide); ECTS baǵdarlamasynyń usynystarymen, European Quality Link (EQUAL) «European MBA Guidelines» usynystarymen, AMVA (Association of MBAs, Ulybrıtanııa) halyqaralyq uıymynyń MVA baǵdarlamalary akkredıtasııasynyń ólshemderimen.
3. Talaptardy olardyń vedomstvolyq baǵynýshylyǵyna, uıymdyq-quqyqtyq túri men oqý túrine qaramastan, MVA baǵdarlamasy boıynsha mamandardy daıyndaýdy iske asyratyn barlyq uıymdardyń qoldanýy men saqtaýy mindetti.
4. Bul qujatta kelesi termınder men anyqtamalar qoldanylady:
1) bıznes-bilim berý – mekemeni basqarýǵa qatysatyn jáne basqarý mindetteriniń keshendi jáne fýnksıonaldyaralyq sıpattaǵy jaǵdaıynda ózdiginen sheshim qabyldaı alatyn joǵary jáne orta toptardyń jetekshi-menedjerlerin daıyndaý jónindegi aǵartýshylyq qyzmet;
2) kóshpeli modýl – magıstranttardyń MVA bilim berý baǵdarlamasynyń jekelegen pánderin sheteldik joǵary oqý oryndarynda, onyń ishinde seriktes - JOO arqyly meńgerýi;
3) magıstrlik dıssertasııa nemese joba – ujymdy (mekemeni) basqarý máselelerin júıeli qaraýǵa baǵyttalǵan qoldanbaly sıpattaǵy MVA baǵdarlamasy boıynsha magıstranttardyń ózdik nemese toptyq zertteý jumysy;
4) MVA baǵdarlamasy – jetekshilik, strategııalyq basqarý men kásibı ońtaılandyrýǵa óziniń tobynyń ortasynda uıymdastyrý úrdisine úlesin qosý úshin qajetti ári aıryqsha tájirıbesi bar tulǵalarǵa arnalǵan kásibı damýdyń jalpy (djeneralıstik) sıpattaǵy baǵdarlamasy;
5) oqýdyń modýldyq formaty – belgili bir ýaqyt kezeńinde meńgerilgen, bilimdi baqylaýdyń tıisti formasymen aıaqtalatyn bir nemese birneshe pánderdi qosa alǵandaǵy oqý baǵdarlamasy mazmunynyń logıkalyq aıaqtalǵan túri;
6) iskerlik ákimshilik magıstri – MVA baǵdarlamasyn meńgergen tulǵalarǵa beriletin akademııalyq dáreje;
7) executive MBA (EMVA) – maqsatty aýdıtorııany eskere otyryp, top-menedjerlerdi daıyndaýǵa baǵyttalǵan MVA baǵdarlamasy.
2. MVA bilim berý baǵdarlamasynyń qurylymyna men mazmunyna qoıylatyn talaptar
5. MVA bilim berý baǵdarlamasy vedomstvolyq baǵynýshylyǵy men jekemenshik túrine qaramastan bilim berý qyzmetin júrgizýge quqyqtyq lısenzııasy jáne magıstratýranyń «Iskerlik Ákimshilik» mamandyǵy boıynsha lısenzııasy bar joǵary oqý ornynda (budan ári -JOO) iske asyrylady.
6. JOO baǵdarlamanyń ózindik ereksheligin, magıstranttar tobynyń sıpatamasyn jáne olardyń alǵan bilimniń qorytyndy nátıjelerin, sondaı-aq basqa da maqsatty baǵdarlaryn eskeretin MVA baǵdarlamasynyń mıssııasyn jasaıdy.
7. JOO oqytý nysany men tehnologııasyn derbes anyqtaıdy.
8. MBA bilim berý baǵdarlamasyn meńgerýdiń normatıvtik uzaqtyǵy 2 jyl, al EMVA baǵdarlamasy boıynsha – 1 jyldan kem emes.
9. Bilim berý baǵdarlamasynyń qurylymy bilim berý mazmunyn anyqtaıtyn jáne olardyń ara qatynasyn, ólshemin jáne esebin kórsetetin oqý jáne zertteýlik jumystardyń ártúrli oqý túrleri arqyly qalyptasady.
10. Elektıvti pánder tizbesi Ǵylymı keńespen bekitilip, daıyndaý jáne mamandaný baǵytyna sáıkes óz betinshe JOO-men anyqtalady. Mindetti komponentti pánderdi alyp tastaýǵa nemese kredıtter kólemin qysqartýǵa jol berilmeıdi.
11. Tańdaý komponentteri boıynsha bilimdi, biliktilik pen daǵdylardy qalyptastyrýdy qamtamasyz etetin pánder tizbesi JOO-men óz betinshe anyqtalady.
12. MVA bilim berý baǵdarlamasynyń qurylymy sonymen qatar:
1) tájirıbelik uıǵarymdary men pikirleri bar magıstrlik dıssertasııa nemese jobanyń oryndalýyn;
2) magıstranttardyń eksperttik-zertteýlik jumystaryn qarastyrady.
Magıstrlik dıssertasııa/jobada mekeme men ujymdardy basqarýdaǵy máselelerdiń keshendi fýnksıonaldyaralyq qaralǵandyǵy kórsetiledi.
Magıstrlik dıssertasııa/joba:
1) qorǵalyp otyrǵan dıssertasııalyq jumys/jobanyń mamandanýdyń negizgi máselelerine sáıkes bolýy;
2) ózektiligi, ǵylymı jańashyldyǵy men tájirıbelik mándiliginiń bolýy;
3) otandyq jáne sheteldik ǵylym men tájirıbeniń zamanaýı teorııalyq jáne ádistemelik jetistikterine negizdelýi;
4) ǵylymı zertteýlerdiń zamanaýı ádisterin qoldanýy;
5) kompıýterlik tehnologııalardy qoldana otyryp, óńdeýdiń jańa ádisteri men berilgen málimetter taldaýlaryna negizdelýi;
6) qoıylǵan máselelerdi sheshý boıynsha qorytyndy men usynystar shyǵarý qajet.
13. MVA jáne Executive MVA (EMVA) bilim berý baǵdarlamasynyń mazmuny 1- qosymshaǵa sáıkes belgilenedi.
14. MVA bilim berý baǵdarlamasy:
1) kásibı biliktilik jáne tulǵalyq damýdy, jetekshilik qasıetterdi qalyptastyrý pánderin;
2) kásiptik tájirıbeni (óndiristen qol úzip oqıtyn tulǵalar úshin);
3) magıstrlik dıssertasııa nemese jobanyń oryndalýyn;
4) qorytyndy memlekettik attestasııany quraıdy.
15. Kásiptik biliktilikti qalyptastyratyn bilim berý baǵdarlamalary mindetti jáne elektıvti komponentti pánderden turady.
Elektıvti pánder tizbesi belgili bir bıznes-salasyna arnalǵan MVA baǵdarlamasynyń daıyndaý men mamandaný baǵytyna sáıkes anyqtalady.
16. MVA bilim berý baǵdarlamasy aıasynda magıstrlerdi daıyndaý ár túrli baǵyttar boıynsha jáne jalpy profıldi (general manager) kásiptik basqarýǵa daıyndaý talaptaryn oryndaǵan jaǵdaıda iske asyrylady, sonymen qatar korporatıvtik baǵdarlama boıynsha.
17. Magıstrant jeke oqý josparyn (JOJ) mindetti komponent pánderin jáne elektıvti pánder katalogyn (EPK) negizinde qalyptastyrady. JOJ magıstranttyń jeke bilim traektorııasyn anyqtaıdy.
3. MVA bilim berý baǵdarlamasy boıynsha mamandardy
daıyndaý sharttaryna qoıylatyn talaptar
18. MVA baǵdarlamasyndaǵy oqytýshylyq zertteýlik, ǵylymı qyzmet jáne konsaltıngtik basqarý júrgizýge qatystyrylǵan professorlyq-oqytýshylyq quramnyń joǵary deńgeıimen qamtamasyz etiledi.
19. Kadrlyq qamtamasyz etýge qoıylatyn talaptar.
1) MVA, DBA, PhD dárejeleriniń bolýy/ oqytýshylyq quramnyń ǵylymı dárejesi 75% kem bolmaýy;
2) bıznestegi is tájirıbelik qyzmetiniń ótili 5 jyldan kem emes oqytýshylar 25%;
3) oqytýshy quramynyń 15% sheteldik oqytýshylar/ shetelde tájirıbeden ótken nemese oqyǵan, bıznesti damytý salasynda fýndamentaldi, qoldanbaly zertteý jasaǵandar bolýy.
20. Oqý-ádistemelik qamsyzdandyrý talaptary.
JOO magıstranttardyń bilim berý baǵdarlamasyn sapaly meńgerýi úshin oqý úrdisin oqý-ádistemelik jáne aqparattyq materıaldarmen qamtamasyz etedi. MVA baǵdarlamasyn iske asyrý halyqaralyq aqparattyq jelilerge, kitaphana qoryna, kompıýterlik tehnologııalarǵa, metodıkalyq quraldar men sabaq beretin pánderiniń, sonymen qatar dıssertasııalyq jumystarynyń zerttemelerine erkin kirýdi qamatamasyz etedi.
Oqý jáne kitaphana zaldary Internetpen, barynsha keń taralǵan kásibı perıodıkalyq basylymdardan turatyn elektrondy málimetter bazasymen jabdyqtalady.
MVA baǵdarlamalary tyńdaýshylarǵa oqý ornynan jáne oqý ýaqytynan tys kezderinde onlaın-platforma arqyly qoldaý kórsetedi.
21. Materıaldyq-tehnıkalyq qamtamasyz etý talaptary.
MVA baǵdarlamasyn iske asyratyn JOO-nyń qoldanystaǵy sanıtarly-tehnıkalyq normalarǵa saı, oqý josparynda qarastyrylǵan teorııalyq jáne praktıkalyq daıyndyqtardyń barlyq túrin júrgizýge, sondaı-aq magıstranttyń eksperımenttik-zertteý jumystaryn tıimdi oryndaýyna qolaıly materıaldyq-tehnıkalyq bazasy bolýy qajet.
JOO zamanaýı bilim berý tehnologııalary men qajetti áleýmettik qyzmetterdi qoldaný arqyly MVA baǵdarlamasyn iske asyrý jaǵdaıymen qamtamasyz etedi.
4. MVA bilim berý baǵdarlamasyn oıdaǵydaı meńgergen tulǵalardy daıyndaý deńgeıine qoıylatyn talaptar
22. MVA túlekteriniń basty quzyretterine qoıylatyn talaptar.
MVA baǵdarlamasy túleginiń quzyretteri tómendegideı bilim men biliktilikpen anyqtalady:
1) zamanaýı naryqtyq ortada ujym qyzmetiniń strategııalyq ustanym jaǵynan bıznesti basqarý mánin;
2) múddeli jaqtarmen (steıkholderlermen) uıymnyń jabdyqtaryn, olardyń ózara áreket etý mehanızmderin, uzaqmerzimdi josparlarymen syrtqy kontekst jaǵdaılaryndaǵy jumys isteý prınsıpterin;
3) strategııalyq basqarýdaǵy kóshbasshylyq tujyrymdaryn;
4) basqarýdyń qazirgi amaldary;
5) menedjmenttiń analıtıkalyq ádisteri, dıagnostıkanyń, taldaý men máseleni sheshý ádisteri, sondaı-aq tájirıbedegi sheshim qabyldaý jáne ony iske asyrý ádisteri;
6) bıznestiń jahandaný maǵynasyn.
7) bıznestiń problemalyq aspektilerine taldaý jasaý jáne sheshimderin izdestirý;
8) syrtqy ortanyń áserin bilý jáne ony basqarýdyń tájirıbelik máselelerin sheshý kezinde eskerý;
9) teorııanyń, qazirgi kezdegi zertteýler men tájirıbe talaptarynan shyǵatyn menedjmenttiń ár túrli fýnksıonaldy aspektilerin ıntegrasııalaý;
10) kompanııany basqarýdaǵy máselelerdi sheshýge marketıngilik jáne qarjylyq ádisterdi qoldaný;
11) halyqaralyq ortada básekelestik ustanymmen bıznesti júrgizý men basqarý máselelerin qaraý.
5. MVA bilim berý baǵdarlamasyn meńgergendigin kýálandyratyn qujattar
23. MVA baǵdarlamasy boıynsha oqýdy bitirgen tulǵalarǵa «Iskerlik Ákimshilik Magıstri» akademııalyq dárejesimen memlekettik úlgidegi dıplom jáne jumys oqý jospary boıynsha oqyǵan pánderiniń baǵalary men ıgerilgen kredıtter sandarynyń tizbesi kórsetilgen dıplomǵa (transkrıpt) qosymsha beriledi.
MVA kásiptik bilim berý baǵdarlamasy sheńberinde mamandardy daıarlaý mazmuny men deńgeıine qoıylatyn eń tómengi talaptarǵa 1-shi qosymsha
MVA jáne Executive MVA (EMVA) bilim berý baǵdarlamasy
№ Bloktar men pánderdiń ataýy MVA kredıtiniń kólemi EMVA kredıtiniń kólemi
1 Kásiptik biliktilikti qalyptastyratyn pánder blogy 33 26
1) Mindetti komponent: 4 4
Strategııalyq menedjment 2 2
Bıznes-zertteý 2 2
2) Elektıvti komponent 29 22
Kóshpeli modýl/ Shetelde tájirıbeden ótý* - -
2 Tulǵa retinde damý men jetekshilik qasıetter pánderiniń blogy 7 7
1) Kóshpeli modýl / Shetelde tájirıbe*
3 Eksperımentti-zertteýlik jumys, magıstrlik dıssertasııa/jobanyń oryndalýy 3 3
О́ndiristik tájirıbe** 2*** kem emes
4 Qorytyndy attestasııa (keshendi emtıhan jáne magıstrlik dıssertasııany/jobany qorǵaý) 2 2
Barlyǵy 45 38
Eskertý
*Kóshpeli modýl nemese shetelde tájirıbeden ótý men kredıtter sany elektıvti komponentke kiredi.
**Tájirıbe óndiristen qol úzip oqıtyn magıstranttar úshin qarastyrylǵan
***Tájirıbege bólingen kredıtter sany jalpy eńbek aýqymdylyǵyna kirmeıdi.
Qazaqstan Respýblıkasy Bilim jáne ǵylym mınıstriniń m.a.
2014 jylǵy 24 qazandaǵy №441 buıryǵyna 2-qosymsha
DBA kásiptik bilim berý baǵdarlamasy sheńberinde mamandardy daıarlaýdyń eń tómengi mazmuny men deńgeıine qoıylatyn talaptar
1. Jalpy ereje
1. Osy DBA kásiptik bilim berý baǵdarlamasy sheńberinde mamandardy daıarlaýdyń eń tómengi mazmuny men deńgeıine qoıylatyn talaptar (budan ári – Talaptar) iskerlik ákimshilik doktorlaryn daıyndaý bilim berý baǵdarlamasynyń (budan ári – DBA baǵdarlamasy) mazmuny men doktorantýra bitirýshilerin daıyndaý deńgeıiniń jalpy ádistemelerin belgileıdi.
2. Talaptar joǵary bilim berý salasynda halyqaralyq qujattarmen úılestirilgen. «ECTS qoldanýshynyń basshylyǵy» (ECTS Users, Guide); ECTS baǵdarlamasynyń usynystary; European Quality Link (EQUAL) «European MBA Guidelines» usynystary; AMVA (Association of MBAs, Ulybrıtanııa) halyqaralyq uıymynyń DVA baǵdarlamalary akkredıtasııasynyń ólshemderi.
3. Talaptardy olardyń vedomstvolyq baǵynýshylyǵyna, uıymdyq-quqyqtyq túri men oqý túrine qaramastan, DVA baǵdarlamasy boıynsha mamandardy daıyndaýdy iske asyratyn joǵary oqý oryndarynyń (budan ári – JOO) qoldanýy men saqtaýy mindetti.
4. Olarǵa qosymsha retinde kelesi termınder men anyqtamalar berildi:
1) bıznes-bilim berý – mekemeni basqarýǵa qatysatyn jáne basqarý mindetteriniń keshendi jáne fýnksıonaldyaralyq sıpattaǵy jaǵdaıynda ózdiginen sheshim qabyldaı alatyn joǵary jáne orta toptardyń jetekshi-menedjerlerin daıyndaý jónindegi aǵartýshylyq qyzmet;
2) kóshpeli modýl – doktoranttardyń DVA bilim berý baǵdarlamasynyń jekelegen pánderin sheteldik joǵary oqý oryndaryna, onyń ishinde JOO-seriktesterge shyǵý arqyly meńgerýi;
3) oqýdyń modýldyq formaty – belgili bir ýaqyt kezeńinde meńgerilgen, bilimdi baqylaýdyń tıisti formasymen aıaqtalatyn bir nemese birneshe pánderdi qosa alǵandaǵy oqý baǵdarlamasy mazmunynyń logıkalyq aıaqtalǵan túri;
4) iskerı ákimshilik doktory: DVA baǵdarlamasyn meńgergen tulǵalarǵa beriletin dáreje;
5) DBA doktorantýrasynyń baǵdarlamasy – DVA baǵdarlamasy basqarýda úlken tájirıbesi bar, zamanaýı tujyrymdamalar menedjment modelderin tereń meńgerýge jáne damytýǵa, óziniń tájirıbesin jınaqtaýǵa jáne bıznes salasynda suranysqa ıe jańa qoldanbaly ǵylymı zertteýler men konsaltıng (keńes berý) júrgizýge múddeli joǵary toptyń menedjerlerine arnalǵan;
6) DBA doktorlyq dıssertasııasy: Teorııalyq erejesi óńdelgen, jańa ǵylymı jetistik retinde mamandandyrylǵan, ǵylymı máseleleri sheshilgen, áleýmettik-ekonomıkalyq maǵynasy bar, nemese ǵylymı-dáıekti ekonomıkalyq jáne basqaratyn sheshimderi mazmundalǵan, ózdiginen júrgizgen zertteýi bıznes orta men tutastaı alǵanda elimiz ekonomıkasynyń damýyna qomaqty úles ákeletin ǵylymı-zertteý jumysy.
2. DVA bilim berý baǵdarlamasynyń qurylymy men mazmunyna qoıylatyn talaptar
5. DVA bilim berý baǵdarlamasy vedomstvolyq baǵynýshylyǵy men jekemenshik túrine qaramastan bilim berý qyzmetin júrgizýge quqyqtyq lısenzııasy jáne doktorantýranyń «Iskerlik Ákimshilik» mamandyǵy boıynsha lısenzııasy bar JOO-da iske asyrylady.
6. JOO baǵdarlamanyń ózindik ereksheligin, doktoranttar tobynyń sıpatamasyn jáne olardyń alǵan bilimniń qorytyndy nátıjelerin, sondaı-aq basqa da maqsatty baǵdarlaryn eskeretin DVA baǵdarlamasynyń mıssııasyn jasaıdy.
7. Oqytý nysany men tehnologııasyn JOO derbes anyqtaıdy.
8. DVA bilim berý baǵdarlamasyn meńgerýdiń normatıvtik uzaqtyǵy 3 jyldan kem emes.
9. DVA baǵdarlamasynyń qurylymy eki birdeı: uıymdastyrý jáne ǵylymı komponentten turady.
10. DVA doktorantýrasynyń bilim berý baǵdarlamasy ár túrli jumys túrlerinen jáne sonymen qatar:
1) teorııalyq oqytýdan;
2) doktorlyq dıssertasııany oryndaýdy qosa alǵanda, ǵylymı-zertteýlik jumystan;
3) qorytyndy attestasııadan turady.
11. Oqý jáne ǵylymı jumystardyń eńbek syıymdylyǵy meńgerilgen kredıtter sanymen ólshenedi. Tańdaý pánder tizbesi jáne kredıtter kólemi jumysberýshiniń jáne eńbek naryǵynyń talaptaryna sáıkes JOO-nyń ózdiginen bekitiledi.
12. DVA baǵdarlamasynyń mazmuny 1-shi qosymshaǵa sáıkes belgilenedi.
13. DVA bilim berý baǵdarlamasynyń ǵylymı komponenti doktoranttyń ǵylymı-zertteý jumysy, ǵylymı jarııalanymdar jáne doktorlyq dıssertasııany jazý arqyly qalyptasady.
14. Doktoranttyń zertteýiniń nátıjeleri keminde 7 (jeteý) ǵylymı basylymda, jýrnalda, onyń ishinde keminde 3 (úsheýi) halyqaralyq ǵylymı konferensııalarda usynylǵan alys sheteldik ǵylymı basylymda jarııalanady.
15. Iskerlik ákimshilik doktorlaryn daıyndaý deńgeıine qoıylatyn talaptar bilim berý baǵdarlamalarynyń mazmunymen belgilenedi. DVA baǵdarlamasyn iske asyrýshy JOO, belgilengen tártippen oqý josparlaryn, sondaı-aq oqý pánderiniń baǵdarlamalaryn ázirleıdi jáne bekitedi.
16. DVA bilim berý baǵdarlamasynyń mazmuny qazaqstandyq bıznes pen menedjmenttiń erekshelikteri men qalyptasqan ustanymdaryn, halyqaralyq bıznes pen sheteldik basqarý tájirıbesin oqýdy eskere otyryp ázirlenedi.
17. DVA baǵdarlamasy doktoranttardyń sonymen birge qoldanbaly sıpattaǵy sabaqtarǵa: kompıýterlik, iskerlik oıyndarǵa, naqty jáıttardy taldaýǵa, psıhologııalyq jáne basqa trenıngter men konsýltasııalarǵa, menedjerler daǵdysyn damytý maqsatyndaǵy qoldanbaly jobalardyń qorytyndylaryn talqylaýǵa qatysýyn qarastyrady.
18. DVA baǵdarlamasy boıynsha doktoranttyń ǵylymı-zertteý jumystaryna qoıylatyn talaptar.
Doktoranttyń ǵylymı-zertteý jumysy:
1) DVA baǵdarlamasy kásibı mamandyǵyna sáıkes kelýi;
2) ózektiligi, ǵylymı jańashyldyǵy men tájirıbelik mándiliginiń bolýy;
3) ǵylym men tájirıbeniń zamanaýı teorııalyq, ádistemelik jáne tehnologııalyq jetistikterine negizdelýi;
4) kompıýterlik tehnologııalardy qoldana otyryp, berilgen málimetterdi taldaýda óńdeýdiń jańa ádisterimen negizdelýi;
5) ǵylymı zertteýlerdiń zamanaýı ádisterin qoldaný arqyly oryndalýy;
6) negizgi qorǵalatyn erejeniń ǵylymı-zertteý (ádistemelik, tájirıbelik) taraýlarynyń bolýy tıis.
19. Ǵylymı-zertteý jumystarynyń nátıjesin doktorant árbir kezeńniń sońynda aralyq esep túrinde resimdeıdi.
20. Ǵylymı-zertteý jumystarynyń nátıjesi boıynsha doktoranttar doktorlyq dıssertasııany daıyndaıdy.
21. DVA baǵdarlamasynyń doktoranttaryna ǵylymı jetekshilikti basqarý, konsaltıng jumystarynda tájirıbesi bar, DVA akademııalyq dárejesine ıe nemese ǵylymı-zertteýlik/akademııalyq tájirıbesi bar ǵylym doktorlary/ǵylym kandıdattary arasynan saılanǵan 2 konsýltant arqyly iske asyrylady.
3. DVA bilim berý baǵdarlamasy boıynsha mamandardy daıyndaý sharttaryna qoıylatyn talaptar
22. DVA baǵdarlamasy JOO-da ǵylym doktory, kandıdaty degen ǵylymı ataǵy nemese halyqaralyq tájirıbesi jáne jarııalanymdary, kásiptik bilimi men daǵdylary bar tulǵalar arqyly iske asyrylady.
23. Kadrmen qamtamasyz etýge qoıylatyn talaptar:
1) DBA, PhD dárejeleriniń bolýy/oqytýshylyq quramnyń ǵylym kandıtaty/ǵylym doktory ǵylymı dárejesiniń 90% kem bolmaýy;
2) bıznestegi tájirıbelik qyzmetiniń ótili 7 jyldan kem emes oqytýshylar 25%;
3) oqytýshy quramynyń 40% sheteldik oqytýshylar/shetelde tájirıbeden ótken nemese oqyǵan, bıznesti damytý salasynda fýndamentaldi, qoldanbaly zertteý jasaǵandar.
DVA baǵdarlamasyn iske asyrý kezinde jetekshi bıznesmendermen jáne menedjer-praktıktermen, ǵylymı sarapshylar jáne konsýltanttarmen, onyń ishinde DVA baǵdarlamasyn oıdaǵydaı meńgergen tulǵalarmen iskerı tájirıbeniń, ǵylymı bilim men keri baılanyspen qamtý talaptaryn eskerý maqsatynda tıimdi ózara áreket jasalady.
24. Oqý-ádistemelik qamtamasyz etý talaptary:
Oqý úderisin oqý-ádistemelik materıaldarmen qamtamasyz etý bilim berý baǵdarlamasyn sapaly meńgerý múmkindigine kepildik beredi. DVA baǵdarlamasyn iske asyrý halyqaralyq aqparattyq jelilerge, kitaphana qoryna, kompıýterlik tehnologııalarǵa, ádistemelik quraldar men sabaq beretin pánderiniń, sonymen qatar dıssertasııalyq jumystarynyń zerttemelerine erkin kirýdi kamtamasyz etedi.
25. Materıaldyq-tehnıkalyq qamtamasyz etý talaptary.
DVA baǵdarlamasyn iske asyratyn JOO-nyń qoldanystaǵy sanıtarly-tehnıkalyq normalarǵa saı, oqý josparynda qarastyrylǵan teorııalyq jáne praktıkalyq daıyndyqtardyń barlyq túrin júrgizýge, sondaı-aq doktoranttyń tájirıbelik-zertteý jumystaryn tıimdi oryndaýyna qolaıly (aýdıtorııa qory, kompıýterlik synyptar, zerthanalar, qural-jabdyqtar, qor materıaldary, qashyqtyqtan oqytý tehnologııalary) materıaldyq-tehnıkalyq bazasy bolýy qajet.
4. DVA baǵdarlamasyn oıdaǵydaı meńgergen tulǵalardy daıyndaý dárejesine qoıylatyn talaptar
26. DVA baǵdarlamasyn oıdaǵydaı meńgergen jáne soǵan laıyqty dıplom alǵan doktoranttar:
1) uıymdastyrýdyń júıeli ádistemesin bilý, basqarý men menedjmenttiń analıtıkalyq zamanaýı ádisterin, dıagnostıkanyń, taldaýdyń ádisteri men problemalardy sheshe bilý, sondaı-aq sheshim qabyldaýdyń ádisterin bilýmen qatar jáne olardy tájirıbede iske asyra bilýi;
2) menedjmenttiń praktıkalyq máselelerin kásibı biliktilikpen sheshýi jáne ol sheshimderdi ómirde iske asyrý, basqarýdyń fýnksııalaryn oryndaýǵa daıyn bolýy jáne kásibı problemalardy tutastaı ujymnyń múddesine sheshe bilýi;
3) basqarý laýazymymen aınalysýǵa laıyqty jáne naryqtyq ekonomıkanyń erekshelikteri men múmkindikterin, mindetteri men memlekettiń ekonomıkalyq rólin, ekologııalyq problemalardy túsinýi, bıznestiń áleýmettik jaýapkershiligin moıyndaý jáne ony júrgizýdiń órkenıetti etıkalyq normalaryn ustanýǵa qajetti bilimdi, sheberlik pen daǵdylardy bilýi tıis;
4) Qazaqstannyń áleýmettik-ekonomıkalyq damý perspektıvalary men zamanaýı problemalaryna baǵa bere bilý, álemdik ekonomıka men jahandanýdaǵy damýdyń qazirgi aǵymdaryn túsiný, halyqaralyq básekelestik máselelerin baǵdarlaı bilýi tıis.
27. DVA baǵdarlamasyn menedjment salasynda oıdaǵydaı meńgergen doktoranttar:
1) bıznestiń máni men ujymdy strategııalyq basqarýdy túsiný, ujymnyń mıssııasy men maqsatyn anyqtaý, onyń básekelestik ortadaǵy myqty jáne álsiz jaqtaryn taldaı bilý, osy negizde ujymnyń strategııasyn jasaýy;
2) menedjmenttiń qazirgi zamanǵy analıtıkalyq quraldaryn, uıymdastyrýdyń júıeli ádisiniń ádisnamasyn, taldaý men máseleni sheshý ádisterin, sondaı-aq sheshim qabyldaı bilý men praktıkada ony iske asyrý ádisterin ıgere bilýi;
3) mekeme qyzmetiniń ujymdyq qurylymyn, balamalyq strategııasyn, maqsaty men mindetterin, qyzmettiń ishki jáne syrtqy jaǵdaılaryn jasaý, qyzmetkerler ókilettiligi men jaýapkershiligin belgileýdi, bıznes-úderisterdi taldaý men josparlaýdy iske asyrýdy jetildirýi;
4) mekemedegi adamı resýrstardy tıimdi basqarýǵa arnalǵan bilimi men daǵdysynyń bolýy, óziniń jetekshilik daǵdylaryn damytýǵa, daýlardy basqarýda ustanymdary men ádisteriniń bolýy, uıymdyq qurylymdy qalyptastyra bilýi;
5) strategııalyq, aǵymdyq júıelerdi ázirleý, shuǵyl josparlaý men baqylaýdy, qyzmettiń ár túrli salasynda basqarý operasııalarynyń ustanymdary men qazirgi zamanǵy ádisterin meńgerý, sapaly basqarý júıesiniń tujyrymdamasyn, prınsıpteri men ádisterin bilýi;
6) óz ýaqytynda uıymdastyra bilý, toptarmen jumys isteýge qabiletti, tıimdi qarym-qatynastardy, iskerı hat almasýdy iske asyrý, kelissózder júrgizýde tusaýkeser jasaý ónerin bilýi, iskerı etıketti meńgerýi tıis.
28. DVA baǵdarlamasyn marketıng salasynda oıdaǵydaı meńgergen doktoranttar:
1) marketıngtik is-sharalar men mekemeniń qurylymyn ushtastyra bilýdi, sondaı-aq marketıngtik qyzmetti uıymdastyrý, ony tıimdi baqylaýdy iske asyrý, marketıng salasynda resýrstardy tıimdi paıdalanýdy qamtamasyz etý;
2) naryq pen naryqtyq konıýnktýranyń analızderine qajetti biliktiliginiń bolýy, tutynýshylardyń minez-qulqyn bilýi, satylymdy jáne tıimdi taýar aınalymyn uıymdastyrý, naryqta taýardyń alǵa ilgerileýin, ónimderdi taratý jelilerin qalyptastyrý, ónimniń básekege qabilettiligin baǵalaı bilý jáne ony jetildirý boıynsha is-sharalar ázirleý;
3) jarnamany, buqaralyq aqparat quraldaryn qoldaný, fırma men onyń taýarlary jaıly qoǵamnyń oń pikirin qalyptastyrýǵa arnalǵan, básekege qabilettilikti arttyrý jáne taýardyń markasyn nyǵaıtý maqsatynda PR-sharalardy paıdalana bilýi tıis.
29. DVA baǵdarlamasyn qarjy salasynda oıdaǵydaı meńgergen doktoranttar:
1) fırmanyń qarjylyq maqsattary men qurylymyn qalyptastyra bilý, óndiristiń shyǵyndaryn basqarý turǵysynan baǵalaý, mekeme qyzmetin makro jáne mıkroekonomıkalyq faktorlarmen ushtastyrý;
2) mekemeniń qarjylyq bilimderin meńgerý jáne qarjylyq menedjment quraldaryn bıleý, balanstyń tıimdi qurylymyn anyqtaı bilý, mekemeniń múddesine saı qarjy jumsaýdyń negizgi baǵyttaryn belgileý, mekeme aktıvteri men passıvteriniń eń tańdaýly qurylymyn qalyptastyrý, qarjy nátıjeleriniń dınamıkasyn rettep otyrý;
3) ınvestısııalyq saıasatty qalyptastyrý jáne iske asyrý, ınvestısııalyq jobalardy taldaý men tańdaýdy, qarjy legin iske asyrý, olardyń qyzmet barysyndaǵy tájirıbege engizilýin uıymdastyrý;
4) aınalymdaǵy qarjylardy jáne mekemeniń qysqamerzimdi mindetterin keshendi shuǵyl basqarýǵa arnalǵan bilimi men daǵdysynyń bolýy, qyzmettiń qarjylyq nátıjelerine olardyń yqpaly turǵysynan mekemeniń qarjylyq rezervterin baǵalaı bilýi tıis.
30. DVA baǵdarlamasyn qarjylyq jáne basqarý esebi salasynda oıdaǵydaı meńgergen doktoranttar:
1) býhgalterlik eseptik bilim negizinde basqarýdyń ádisterin, sheshim qabyldaýǵa arnalǵan basqarý esebin paıdalana jáne ony qura bilý, shyǵyndardy esepke alý jáne baqylaý;
2) qarjy, býhgalterlik esep, aýdıt jáne salyq salasynyń zańdaryn bilýi;
3) eseptik-analıtıkalyq, baqylaý-revızııalyq, aýdıtorlyq jáne konsaltıng jumystarynyń daǵdylaryn bilýi;
4) kompanııanyń qarjylyq dıagnostıkasynyń ádistemesin jáne basqarý tapsyrmalaryn sheshý kezinde onyń sheshimderin paıdalaný daǵdylaryn bilýi tıis.
5. DVA baǵdarlamasyn meńgergendigin kýálandyratyn qujattar
31. DVA baǵdarlamasy boıynsha oqýdy bitirgen tulǵalarǵa «Iskerlik Ákimshilik Doktory» dárejesimen memlekettik úlgidegi dıplom jáne oqý jumys jospary boıynsha oqyǵan pánderiniń baǵalary men ıgerilgen kredıtter sandarynyń tizbesi kórsetilgen dıplomǵa qosymsha (transkrıpt) beriledi.
DBA kásiptik bilim berý baǵdarlamasy sheńberinde mamandardy daıarlaý mazmuny men deńgeıine qoıylatyn eń tómengi talaptaryna 1-shi qosymsha
DVA baǵdarlamasynyń mazmuny
№ Bloktar men pánderdiń ataýy kredıt kólemi
1 Kásiptik biliktilikti qalyptastyratyn pánder blogy 24
1.1 Mindetti komponent: 3
Zertteý ádistemesi 3
1.2 Elektıvti komponent 21
Kóshpeli modýl*/ Shetelde tájirıbeden ótý* 4*
2 Tulǵa retinde damý men jetekshilik qasıetter pánderiniń blogy 6
Elektıvti komponent 6
3 Doktorlyq dıssertasııany oryndaýdy qosa alǵanda, ǵylymı-zertteýlik jumys 24
4 Qorytyndy attestasııa (keshendi emtıhan jáne doktorlyq dıssertasııany qorǵaý) 6
4.1 Keshendi emtıhan (KE) 1
4.2 Doktorlyq dıssertasııany rásimdeý jáne qorǵaý (DQ) 5
Barlyǵy 60 kem emes
Eskertý
* Kóshpeli modýl men tájirıbeden ótýdiń kredıtter sany elektıvti komponentke kiredi
Buıryq Qazaqstan Respýblıkasynyń Ádilet mınıstrliginde 2014 jylǵy 17 sáýirdegi Normatıvtik quqyqtyq kesimderdi memlekettik tirkeýdiń tizilimine № 9339 bolyp engizildi.